محرك البحث
خل نسولف

 

شخصياً، انا واحد من المؤمنين بالفكر الاصلاحي والتطويري الذي بجعبة الكابتن عدنان درجال #الوزير، ولكن على ابا حيدر ان يعي تماماً ان الوقت القصير لن يسعفه في تطبيق مفرداته التي يحلم بها لبناء الشاب والرياضي، وميزانيته ٣٠٠ دينار حتى مو #مصمتة على كولة اهلنا لأن ماكو ورقة نقدية الا اللهم يجوز ٢٥٠ وراد يجاملهم ب٥٠ دينار 😉 لذا عليه ان يتعامل بواقعية، يعني بالدارج ” ماكو فايدة بالتفرفر بالمحافظات وانت ميزانية ما عندك تبني #بيتونة مو ملعب “!!؟ اعرفك جيداً نزيهاً ومتفان في العمل ولكن انت تتعامل مع بعض اهل السياسة الي يودك للبحر ويرجعوك #فحطان، كونهم شخصيات وصلوا الى مراكزهم باللعب #بالبيضة_والحجر، وكي

لا يقولون عليك طب للوزارة #اسمر_طويل وطلع منها #اسمر_طويل عليك ان تركز على بعض المشاريع التي وصل بها الانجاز الى نسب متقدمة وتحاول ان تسرع العمل بها لافتتاحها والقاعات ايضاً #بس ها مو #تلزك! مع الضغط بقوة على ان يرى قانون الاندية النور في مجلس النواب #حتى_نخلص من #الفوضى العارمة اليومية جماعة متكاونين على الادارة، وترفع قضايا الفساد في الوزارة والرواد والملاعب #المضمضيها الجماعة من زمن #البكر الى النزاهة وتعلنها امام الاعلام حتى تبري ذمتك .. هل الچم شغلة اخير وابرك من #اللقاءات الي مراح تجيك منها غير وجع #الكورونا، غير هاي الامور مراح تكدر تسوي لأن غسلت ايدي من ميزانية الوزارة الي ١٠ كيلات تراب مكدرت توفر لملعب يجمع اكثر من ١٠٠٠ شاب في ميسان وخلف الله على فاعل خير اتبرع بيهم الى جانب قصة التشيرت المعروفة ناهيك عن عدة امور اخرى.. #هذه وجهة نظري #ماذا_عنكم؟

 

الصحفي ماهر حسان

التعليقات

شاركنا الخبر
أخبار ذات صله

التعليقات مغلقة.